آآآه
آآآه وآآآه وآآآهين
من كسرتي لما خسرت الولدين
واحد غرقان وما دفنته
والتاني في ميدان وما لقيته
ثاير يا مصر يا بلدي
لحد ما يعود لي ولدي
ـــــــــــــــــــــــــــــــــــــــــــــــ
ناري يا نار نارين
حرية آه ... بنصين
بنجري واحنا واقفين
ونهتف واحنا هادرين
ونرجع زي ما جينا
والدمع مالي عينينا
_________________
يا بلد ملك ومالي
ليه بتاخدي أولادي
وتقلي أصلك معايا
وتنسي فضل أجدادي
عرق ودم حديكي
بس رجعي اللي مش ليكي
ليست هناك تعليقات:
إرسال تعليق